أنا وعفركوش

موضوع: أنا وعفركوش الخميس يوليو 24, 2008 5:43 am

http://www3.0zz0.com/2008/06/24/11/813832017.jpg

كنت أعد عندي في الاوضة وبقرأ في كتاب اسمه(الجن والعفاريت ما بين الحقيقة والخيال)فالكتاب كان عليه تراب كتييييييير لانه كان مركون علي الرف بقاله سنييين فنفدته ونزل التراب علي الارض واتجمع كله في حته واحده بعد كده سمعت في الاوضة ضحكة من بتاعة افلام الرعب اللي بتطلع صدي صوت دي (هاهاهاهاهاهاهاهاهااااا)
ولقيت غيام كبير في الاوضة وطلعلي منه صوت
بيقولي:شبيك لبيك،هاعلقك من رجليك ،واديك في وشك دبل كيك ، وهأحط صوابعي في عينيك ، وهأعذبك لغايت ما تقول سيبني في حالي الله يخليك
فقلت:في شهقة طويلة يا نهاري وحظي الاسود عفركوش بيطلع للناس يحققلهم احلامهم وانا يطلعلي عايز يعلقني
فروحت بسرعه اتشجعت وخدت نفس عميق وكالعادة في المواقف الصعبه صوّت اجدعها صويته
وشعاري (مع سيف صوّت من القلب)لقيت الاوضة انقلبت اعصار
وقالي: خلاص انا تحت امرك يا عبد الجبار احرقني بالنار ،اضربي بالمنشار ،بس ما تصوتش تاني وتخليني زي الفار
قولتله::يعني اتمني يا غريب الاطوار
قالي::اؤمر تطاع وجيبلي صداع
قالي:بس لحظة ليك ثلاث امنيات بس بعد كده لازم تستعمل الكريدت كارد!!!!!!
قولتلوا:كفاية ثلاث امنيات بس
قالي:ولازم نتفق علي كلمة سر عشان اجيلك
قولتلوا::خليها (انا بأكره شعبان عبد الرحيم)
قالي اوعي تنسي كلمة السر
قولتلوا:ماشي
الأمنيه الأولي
يتبع.....................................[strike]

موضوع: رد: أنا وعفركوش الأحد يوليو 27, 2008 12:47 am

تسلم الأيادى يا باشا
وننتظر البقية
لك منى اجمل تحية

اقتباس :: شبيك لبيك،هاعلقك من رجليك ،واديك في وشك دبل كيك ، وهأحط صوابعي في عينيك ، وهأعذبك لغايت ما تقول سيبني في حالي الله يخليك

جزاك الله خيرا

بس حلوة منتظرين التكملة