الله اكبر الله اكبر ده اذان الظهر
يارب يارب بحق ده الاذان تنجح ياجامعاوى يابن ابنى واشوفك دكتور اد الدنيا
ياستى بس انا فى تجاره وماله يابنى هو يكتر على ربنا ده ربنا قادر على كل شىء ياستى ونعم بالله بس اللى بيطلع دكتور بيدخل كليه الطب مش فى تجاره ياللاتجاره تجاره ومالها التجاره ده التجاره
شطاره ده الله يرحمه جدك ده كان تاجر فى الوكاله اد الدنيا ياستى التجاره اللى فى الوكاله حاجه واللى فى الكليه حاجه تانيه على العموم شد حيلك انت وانا اخلى جدك يخدك معاه الوكاله تتدرح وتودك فى السوق جدى ايه اللى هيخدنى معاه ده جدى مات من زمان ياستى
يامصيبتى عبد الواحد مات ياحبيبى يااخويا مكنش يومك ياسبعى ياستى ده ميت من تلتين سنه
تلنين سنه ده العمر بيجرى ياولاد تصدق ولاحسيت بيهم ياللا اهوه غار فى داهيه قطع وقطعت سيرته
ده كان بخل الدنيا كله فيه الاماعمره دخل عليه بكيس فاكهه ولابطيخه
ياستى حرام عليك عايز اذاكر بقى
يوه وانا مسكاك ياوله ذاكر عشان ربنا يكرمك وتاخد الدبلوم
ياستى دبلوم ايه اسمه بكالوريوس
انت هتضحك عليه ياوله اسمه الدبلوم الواد ابن فايزه جدع زيك كده فى مدرسه التجاره وخد الدبلوم
خلاص دبلوم دبلوم بس سبينى بقى اذاكر
ذاكر يااخويا ذاكر ندرا عليه يوم ماتنجح لاكون رايحه خطبالك عبير بت رئيسه
ده ايه ياواد ادب واخلاق وعلام كمان
ياستى عبير دى معاه اعداديه
وماله يابنى الراجل مايعبهوش غير جيبه
راجل مين ياستى عبير دى بنت
عبير عبير مين ياوله انت بتعرف بنات من ورانا
لااله الا الله ابوس رجلك ياستى ارحمينى بقى
طب ذاكر ذاكر جتك نيله وانت طالع براوى زى امك قطعت وقطعت سيرتها
انا مش عارفه ابوك كان اجوزها على ايه حكم قال لبسه البوصه تبقى عروسه
بس ومن نبى النبى لاكون مبوظه الخطوبه ومجوزها انيسه بنت اختى
ياستى خطوبه ايه ابويا مجوز امى من خمسه وعشرين سنه
وبعدين انيسه دى بنت اخوكى مش بنت اختك
واساسا انتى مالكيش اخوات بنات صحيح ياوله انته عندك حق انا ماليش اخوات بنات اصلى انا امى مكنتش بتخلف صبيان
حرااااااااااااااااااااااااااااااااااام عليكى ياستى طب اطلعى البلكونه شويه ده الهوا حلو بره
لا ياخويا فى جدع كده حليوه وشعر مسبسب فى البلكونه اللى فى الوش بيقعد يعاكسنى
خلاص روحى المطبخ اهو زمان امى خلصت الرز
رز ايه يابنى هو انا ليه سنان لرز
انا هطلع البلكونه احسن طب ابقى خلى بالك من الهوى ياستى
هوى لما يلطشك
الحمد الله واخيرا خرجت وقدرت اذاكر رحت الامتحان تانى يوم وربنا كرمنى وحليت كويس
لكن للاسف المراقب سحب منى الورقه قبل ماكتب اهم حاجه فيها
ياترى انا كان اسمى ايه ؟
موضوع: منك لله ياستى 
الأحد يوليو 06, 2008 4:39 pm
